Adeboye called out over ‘others will bow to RCCG’ prayer

Senior Pastor of The Redeemed Christian Church of God (RCCG), Pastor Enoch Adeboye, don cause plenty talk-talk after he pray for him members in one kind way.

For the video wey dey spread everywhere, the pastor dey pray with strong passion for him church members, say other Christians from different churches go bow for them.

“I talk am for the name wey pass every other name, Christians from other church go bow for una,” na wetin he talk.

This kind prayer no sweet many people belle as dem go social media to yan how dem feel.

One I Am Sp3ncer talk say: “Age don dey show small small. Dem talk say when person old, dem go dey yarn like pikin again. E be like say na true. Abeg no vex for am, make una no drag am abeg.”

One Wendy Adanma talk say: “E don reach time wey he suppose retire because what’s all this.”

One Rehkie talk say: “E be like say this pastor no dey think before he talk.”

One Dr Buchi talk say: “Religion don dey show itself say na scam.”

One I Am Murie talk say: “I no really like this prayer point but I no fit talk bad about such a great man of God.”

One Dinzzy talk say: “Religion na part of our problem for this country.”

One Gallar talk say: “Even this prayer get as e be but if we check am well, ‘RCCG’ na the biggest church for Nigeria and get the biggest crowd.”

One Effe Deborah talk say: “E fit be say na dementia dey worry am. He really need to retire.”